महिलालाई बस्तुको रुपमा हेर्ने सोचमा परिवर्तन आएन : मन्त्री थापा

नारी खबर / अशोज १२, २०७६ - आइतवार



काठमाडौ-महिला बालबालिका तथा ज्येष्ठ नागरिक मन्त्री थममाया थापाले महिलाहरुलाई बस्तुको रुपमा हेर्ने सोचमा कुनै परिवर्तन नआएको बताइन् । उनले हाम्रो समाज र संस्कार अहिले पनि महिलामैत्री हुन नसकेकोमा चिन्ता व्यक्त गरिन् ।

नवनारी मिडियाको १२ औँ बर्षिक उत्सवका अवसरमा बोल्दै मन्त्री थापाले ‘अहिले पनि महिलाहरुले बाहिर निस्केर काम गर्न सक्ने वातावरण नहुनु दुखद अवस्था हो ।­­’ उनले हिजोको पितृसत्ता र सामान्ती सोँचमा परिवर्तन हुन नसकेको धारणा राखिन् । मन्त्री थापाले भनिन् ‘हिजोको पितृसत्ता र सामान्ती सोँचमा अझैपनि परिवर्तन आउन सकेको छैन,यो सोँचमा परिवर्तन आउनु जरुरी छ ।’

तर उनले पछिल्लो समयमा महिलाहरुले विद्यमान अवस्थालाई चिरेर अगाडी बढ्नुपर्ने आवश्यकता औल्याइन् । उनले समाजवाद उन्मुख समाज निर्माण गर्ने व्यवस्था गरिएका कारण पनि आगामी दिन महिलाका लागि सहज रहेको बताइन् ।

उनले महिलाले सम्मान पुर्वक रुपमा बाँच्न पाउँने समतामुलक समाजको निर्माण गर्न आवश्यक रहेको बताइन् । महिलाहरुले घरबाहिर निस्केर काम गर्न सक्ने वातावरण सृजना गर्नुपर्ने मन्त्री थापाको धारणा छ ।


प्रतिक्रिया दिनुहोस


सब्य र भब्य तरिका ले आफ्नो धारणा राख्नुहोस।

error: Content is protected !!