सुन्दै अपत्यारिलो खबर, प्रेम बिबाह गरेकी एक महिलाले जन्मदिन मनाउँदै गरेका आफ्ना पतिको हत्या गराएकी छन्, त्यो पनि प्रेमी प्रयोग गरेर ।

घटना छिमेकी मुलुक भारत मध्य प्रदेशको हो । खबर अनुसार, राजस्थानको कोटामा जन्मदिन मनाउँदै गरेका पतिलाई प्रेमी पठाएर महिलाले हत्या गराएको घटना सार्वजनिक भएको छ ।

परिबारले नमान्दा नमान्दै मुटुरोगी प्रेमिका भित्र्याएका थिए, उनैले हत्या गराइन

प्राप्त जानकारी अनुसार मृतक यशपाल र आरोपी पूजा देहरादुनको एक कलेजमा सँगै अध्ययन गर्दा परिचय भएको थियो । उनीहरु प्रेममा परे । उनीहरुको बिहेको कुरा चल्यो तर युवतीको मुटुको भल्बमा खराबी भएको भन्दै परिवारले केटीलाई स्वीकारेनन् ।

तर, यशपालले आफ्नो प्रेमलाई वैवाहिक जीवनमा परिणत गर्ने भन्दै परिवारको विरुद्ध गएर विवाह गरे । पछि आफैंले सबै खर्च व्यहोरेर उनको मुटुको अप्रेशन गराए ।

अप्रेशनपछि पनि यशपालका परिवार पूजालाई घर भित्र्याउन राजी थिएनन् ।त्यसपछि उनी पत्नीका साथ इन्डोरमा बस्न थाले । पछि पत्नीले देहरादुन बस्न जिद्दि गरेपछि फेरि उनी देहरादुन फर्किए ।

प्रहरीका अनुसार देहरादुनमै बस्दा पूजा फेसबुकमा एक युवकको साथ नजिकिइन् । मित्रता बढ्दै गएपछि उनीहरु प्रेममा परे । पतिलाई उनीहरुको अवैध सम्बन्धबारे जानकारी भइसकेको थियो ।

त्यसैले प्रेमीसँग बस्नका लागि उनले प्रेमीलाई लगाएर जन्मदिनमै पतिको हत्या गराइन् । प्रहरीले दुवैलाई पक्राउ गरी घटनाको छानबिन थालिरहेको छ ।