चैत्र १५, २०८० बिहीबार

याैन सम्बन्धको क्रममा लिंग भाँचिएपछि…



काठमाडौं । आफ्नी श्रीमतीसँग रोमान्स गर्ने क्रममा एक ५० वर्षीय पुरुषको गोप्य अंग भाँचिएको छ । त्यसपछि उनले पीडाले चिच्याए । रगत पनि बग्न थाल्यो । पिसाब पनि बन्द भयो । यसपछि ती व्यक्ति हतार हतार अस्पताल पुगे, जहाँ उनको शल्यक्रिया गरिएको थियो ।

यो घटना इन्डोनेसियाको हो । यसको रिपोर्ट इन्टरनेशनल जर्नल अफ सर्जरी केस रिपोर्ट्समा प्रकाशित भएको छ । रिपोर्टका अनुसार ती व्यक्ति प्राइभेट पार्ट दुख्ने समस्या लिएर डाक्टरकहाँ आएका थिए । यस्तो अवस्थामा इन्डोनेसियाको जाभास्थित सोएटोमो जनरल अस्पतालका डाक्टरहरूले उनको आकस्मिक उपचार सुरु गरेपछि उनलाई इग्प्लान्ट डिफर्मिटीको समस्या देखिएको थियो ।

डाक्टरहरूले मानिसको गुप्तांग वरपरका तन्तुहरू, रक्तनलीहरू र नसाहरू क्षतिग्रस्त भएको पत्ता लगाए। तर, डाक्टरहरूले उनको गोप्य भागको पूर्ण ध्यान दिएर उपचार गरे । पाँच दिन अस्पतालमा बिताएपछि ती व्यक्ति निको भए । चार महिनाको उपचारपछि ती व्यक्तिलाई कुनै गम्भीर समस्या भएन। अहिले उनी विना समस्या पहिलेको जस्तै जीवन बिताइरहेका छन् ।

चिकित्सकहरूले पेनाइल फ्र्याक्चर (पुरुषको गोप्य भागमा भाँचिनु) असामान्य कुरा भएको बताएका छन् । तर केही यस्ता घटनाहरु बाहिर आएका छन् । यस्तो अवस्थामा जटिलताबाट बच्न ‘जतिसक्दो चाँडो’ शल्यक्रिया गर्नुपर्ने चिकित्सकहरू बताउँछन् । यदि सम्भव छ भने, २४ घण्टा भित्र।

डेली मेलको रिपोर्ट अनुसार सन् १९२४ देखि हालसम्म विश्वभर पेनाइल फ्र्याक्चरका २००० केसहरू रिपोर्ट गरिएका छन्। अर्थात् हरेक वर्ष करिब १६ वटा घटना हुन्छन् । अन्वेषकहरूले भनेका छन् कि कुल केसमध्ये आधामा, लिंग भाँचिएको बेला क्र्याकिङ आवाज सुन्न सकिन्छ। धेरै पटक, पेनाइल फ्र्याक्चर पछि, रोगी इरेक्टाइल डिसफंक्शन सम्बन्धी समस्याको शिकार पनि हुन्छ।