>

आश्विन १५, २०७९ शनिबार

‘अरबका मान्छे हामि कुरिरहेका छाै, लुगा फेरेर आउनुस्’



काठमाडौं । लण्डनको एक रेस्टुरेन्टमा एक महिलाले कपडामा भेदभाव गरेको आरोप लगाएकी छन् । महिलाको दाबी छ कि रेस्टुरेन्टले उनलाई पहिले आफ्नो लुगा फेर्न भन्यो र त्यसपछि मात्र प्रवेश दिने भन्यो ।

ती महिला भन्छिन् कि उनका धेरै साथीहरू पनि उनीसँग मिल्दोजुल्दो लुगा लगाएर आएका थिए, तर रेष्टुरेन्टले उनीहरूको पहिरन ‘रिभिलिंग’ पाएनन्। उनको पहिरनमा मात्रै विरोध भएको थियो । सोही क्रममा महिलाले आफूलाई रेष्टुरेन्टको तर्फबाट अरब देशका मानिसहरु खाना खान लागेको भन्दै उनको पहिरन आपत्तिजनक देखिएको भनिएको बताइन् ।

केटी हेउड नामकी एक महिला लन्डनको MNKY HSE नामक रेस्टुरेन्टमा पुगेकी थिइन् । यहाँ उनलाई भनियो- तिम्रो पहिरन एकदमै ‘रिभिलिंग’ छ । केटी साथीको जन्मदिनमा सहभागी हुन उनी रेस्टुरेन्ट पुगेकी थिइन् । गेटका कर्मचारीले उनलाई आफ्नो क्रप टप र प्याटर्न स्कर्ट परिवर्तन गर्न भने।

टिकटक भिडियोमा केटीले घटनाको बारेमा बताएकी छिन् । २० लाख मानिसले यो भिडियो हेरेका छन् । केटीले भनिन्– ‘हामी सबै लुगा लगाएर आएका थियौं, त्यसपछि रेष्टुरेन्टका महिला सुरक्षा कर्मचारी मसँग आए, उनीहरूले मलाई यसरी भित्र आउन नसक्ने बताए । उनीहरूले तपाईले लगाएको कुरा परिवर्तन गर्नुहोस् भने।

महिला सुरक्षा कर्मचारी र केटीबीच लामो समयसम्म लुगालाई लिएर बहस चलेको थियो। महिला सुरक्षा कर्मचारीले केटीसँग लगाउन अरू केही छैन भनेर सोधे। यसपछि केटीले गार्डलाई फेरि सोधिन्, उनी किन यस्तो गरिरहेकी छिन् ? जसमा गार्डले जवाफ दिइन् कि यहाँ अरब देशका परिवारहरू छन्। यस्तो अवस्थामा उनले यस्तो लुगा लगाएर आउनु हुँदैनथ्यो ।

त्यसपछि केटीले गार्डलाई यो पनि बताइन् कि उनको वेबसाइटमा ‘ड्रेस कोड’ बारे केही पनि लेखिएको छैन। त्यसपछि केटी रेस्टुरेन्ट भित्र गइन् तर उनलाई फेरि ज्याकेट लगाउन भनियो। केटीले दावी गरिन् कि उनले रेस्टुरेन्ट व्यवस्थापनसँग दुई पटक कुरा गर्ने प्रयास गरिन् । त्यसपछि उनी रेस्टुरेन्टबाट निस्किन् । केटीले आफू अलिकति मोटी देखिएकै कारण यस्तो व्यवहार भएको बताएकी छन् ।